KLIKA KORRIKA!

Kaixo, irakurleak:

Gaur, apirilaren 12an, ostirala, karapaixoa jan dugu indarra hartzeko, eta gero, korrika txikia ospatu dugu.

2.mailakoek primeran egin dugu.



Argazkiak ikusi nahi? Hona hemen!


Klikatu argazkian.

Ondo pasa udaberriko oporrak!

Tximista koloretsuak

SUHILTZAILEAK!

Kaixo, irakurleak:

Atzo suhiltzaileak bisitatzera joan ginen. Ez dakizue zein ondo aritu ginen!

Autobusa hartu eta Zubillagara abiatu ginen. Bertara iritsitakoan, bi taldetan banatu ginen. Batzuk bideo bat ikustera joan ziren, eta besteak, kamioiak eta materiala aztertu genituen.

Talde bat kamioiak aztertzen ari zela, bat-batean alarma entzun genuen. Larrialdi bat zegoen!

Horma batean itxaron genuen suhiltzaileek beraien lana egiten zuten birtartean. Ziztu bizian jantzi eta laguntzera abiatu ziren.

Bitartean, suhiltzaile jator batekin, bi taldeek batera bideoa ikusi genuen, eta ondoren, tubo batetik jaitsi ginen, beraiek egiten duten bezala.

Amaitzeko, 24 metroko eskailera batera igo ginen. Batzuk beldur piska bat pasatu genuen arren, primeran aritu ginen. 

Pena handiz, eskolara bueltatzeko ordua iritsi zitzaigun. Baina, ikasitako guztia gogoratzeko, liburutxo polit bat eman ziguten. Horrela, pozaren pozaz, autobusa hartu eta eskolara bueltatu ginen. 

Argazkiak ikusi nahi baldin badituzue, klikatu hurrengo argazkian:

Hurrengora arte,

Tximista koloretsuak

UNAIEN AITA ETORRI DA!

Kaixo, irakurleak:


Atzo beste bisita berezi bat izan geuen, Unaien aita etorri zen, Bittor De Marcos!


Bittorrek bere lana azaldu zigun eta asko ikasi genuen.


Berak lantegi batean egiten du lan, eta bertan, altzairuzko tuboei forma ematen die kotxeetarako piezak egiteko, adibidez, bolanteak. Roboten laguntzarekin egiten du lan eta berak aginduak ematen dizkie hauei piezak lortzeko.

Unaien aitak ere segurtasuna oso garrantzitsua dela esan digu. Horretarako, ez erretzeko arropa berezia eta bota gogorrak erabiltzen ditu, besteak beste.

Primeran aritu gara, mila esker!


Argazkiak ikusi nahi al dituzue? Klikatu bada argazkian.

Hurrengora arte,

Tximista koloretsuak

UNAXEN AITA ETORRI DA!

Kaixo, irakurleak:


Oraingoan, makina matxuratu zaigunez, mekanikariarengana joan gara.

Bere lanbidea interes handikoa iruditu zaigu, eta horrekin batera, beste lanbide batzuk lantzea bururatu zaigu.

Guri lagutzeko, atzo bisita berezi bat izan genuen.

Unaxen aita etorri zen bere lanbidea azaltzera!

Unaxen aitak lanbide oso garrantzitsua dauka. Berari esker, ospitaleak, etxeak, zubiak, futbol zelaiak ... egiten dira. Berak, eraikinak egiteko beharrezkoak diren piezak soldatzen eta egiten ditu, adibidez, zutabeak edo tuboak, besteak beste.

Oso arropa eta tresna bereziak erabiltzen ditu horretarako. Segurtasuna oso garrantzitsua da eta arauak bete behar ditu ez erretzeko edo zauritzeko.





Oso interesgarria izan zen. Ikusi itzazue gure harridura aurpegiak!

Klikatu argazkian

Bihar beste guraso bat dator bere lanbidea azaltzera. Irrikitan gaude!

Nor izago ote da?





Hurrengora arte,

Tximista koloretsuak

IGERILEKUAN

Kaixo, irakurleak:


Ondo dakizuen bezala, aurreko lau asteetan igerilekura joan gara.

 

Asko ikasi dugu eta primeran aritu gara.

Azken eguneko argazki batzuk dauzkagu.


Hona hemen:


Klikatu argazkietan guztiak ikusteko.

2.maila A

2.maila B

Hurrengora arte,


Tximista koloretsuak

AGUR UNIBERTSOA....KAIXO LANBIDEAK!

Kaixo, irakurle maiteak:

Bukatu dugu jada unibertsoaren gaia. Zein handia den eta zelako txikiak garen gu!

Gauza pilo bat ikasi ditugu. Ba al zenekien izarrak gasezko bola batzuk direla? Eta guk izar baten inguruan egiten dugula bira? BAI, EGUZKIA!

Gure galaxiako, hau da, Eguzki-sistemako planeta guztiak ikasi ditugu, eta gure inguruan dabilen satelitea ere, Ilargia, landu dugu.

Gainera, grabitatea zer den landu dugu, eta orain, gauza gehiago ulertzen ditugu. Badakigu zergatik flotatzen dugun espazioan eta astronautak nola bizi diren.

Gaiari bukaera borobila emateko, gure Eguzki-sistema diseinatu dugu eta pasiloan jarri dugu ikasleek, irakasleek eta gurasoek ikusteko.

Hona hemen atera ditugun argazki batzuk:

Klikatu argazkian:

Orain, jakin berri dugu denboraren makina matxuratu zaigula, eta beraz, mekanikariarengana joan gara.

Zein lan polita duen mekanikariak ezta? Nola egingo du? Zein tresna erabiliko ditu? Non egingo du lan?

BARATZERA IRTEERA

Kaixo, irakurle maiteak:

Dakizuenez, aurreko astelehen eta asteartean Baratzera joan ginen, baserri eskolara.

Primeran pasatu genuen!

Tailer ezberdinak egin genituen, adibidez, zaldian ibili, animaliak besotan hartu eta zaindu, janaria eman, baratzan landareak landatu, bizkotxo goxo-goxoa egin, besteak beste.

Gainera, beste eskola bat ere bazegoen, eta laguntxo batzuk egiteko denbora ere izan genuen.

Janaria ere oso goxoa zen, bapo bapo jan genuen!

Azaldu dizuegun guztia ikusteko, argazki batzuk atera genituen. Ikusi nahi al dituzue?

Klikatu bada hurrengo argazkian:

Muxu asko eta hurrengora arte,

Tximista koloretsuak